Pahibalo!
Alang sa among mga konsumante dinhi niining dapita (Bacaca Road, Bankerohan, Callawa River, DDF, DECA, GEM Village, Jade Valley, Juliville Subdivision, Maa Riverside, Matina Gravahan, San Rafael, SIR, Sitio Uyanguren & Spring Valley):
Gikasubo namo ug dako nga bisan sa inyong pagkinahanglan sa koryente karon mga panahona dili namo kini basta lang mabalik sa inyong tagsa-tagsa ka panimalay o establisemento.
Ang inyong kasiguroan (SAFETY) mao ang among katuyoan. Sa pakisusi saamong mga enhinyero hangtud niining mga panahona, upat [4] na ka adlaw human sa baha, dili hingpit nga nauga ang inyong mga metro ug mga outlet sa koryente human masulod sa tubig ang inyong mga panimalay. Gawas niini possible adunay mga lapok nga nasulod sa mga outlet ug sa higayon nga ibalik ang koryente mahimong mo-ground kini ug mosangpot na hinuon sa pagkasunog ug pagkakuryente sa inyong kaubanan sa inyong panimalay. Mas modako pa ang inyong problema kon kini mahitabo. Busa, padayon karon ang among mga tawo pagkambiyo sa mga basa nga metro.
Usa namo maibalik ang serbisyo sa kuryente, human sa panghitabong baha gikinahanglan ang inyong kooperasyon pina-agi sa pag tuman sa mosunod:
-Limpyohi ang inyong convenience outlets ug siguruha nga uga kini;
-Siguroha nga ang main switch / breaker system limpyo ug uga;
-Kinahanglan nga ma inspection sa usa ka competent nga electrician. Sa ubos ang listahan sa mga Association of Electricians og ang ilang contact numbers nga mahimo ninyong tawagan:
DAPREA - 226-2004
UEMD - 224-6174 / 09993621005
IEAD - 224-1529
DURPEES - 284-6793
Ang tagdumala sa Davao Light naghangyo sa inyong pagsabot ug paglugway sa inyong pailub. Among gihimo ang tanan aron madali pagpabalik sa koryente sa inyong dapit nga luwas ug walay mahiaguman nga kadaot ang bisan kinsa kaninyo.